مقابلة خاصة مع المبدع اللبناني العالمي مصباح الجمَّال

27 -7-2021

لقاء خاص أجرته " Opine Digest” “ مع خبير التجميل والميك آب السينمائي العالمي المبدع مصباح الجمَّال.

لطالما كان مصباح الجمّال إسماً على مسمىّ عنوانأً لسحر الألوان والفن بأنامله المميزة ، التي تضيف لمساته إبداعاً ما بعده ابداع، هو الذي يرى في كل إمرأة روح و أسرار جميلة فيصقلها كالماسة فتزداد جمالاً...

عندما نتكلم عن الجمال عنوان وحيد لا مهرب منه حيث للإبداع سبل عديدة تحت إمضاء واحد

"Mood Maker "

مما يعني مصباح الجمّال ، ليس فناناً فقط بل هوإنسان مولع بالفن في كل فئاته و يبهرنا بإبداعته عندما يمسك الألوان فتنبض بين أنامله لوحات فنية ترتكز على التفاصيل ومزيج الوانه المميزة...

إنه هذا الشاب اللبناني حيث وطأت أقدامه مسارح المشاهير فترك بصمته في كل قلب لكل من حالفه حظ ولامست ريشة ألوانه و انامله المبدعة.انه هذا الشب الذي خلق من الألوان حياة الانوثة وفن إبداع إنه " مصباح" ، أضاء على عالم الجمال والاثونة والابداع من كافة جوانبه هو مرجع لمستشار الشكل والمظهروتسريحات الشعر والمسارح وتصميم الملابس . إنه بالمختصر

Art Director/ Image Consultant /Fashion Police /Customes Maker /Hair Designer /Event Planner/Special Effect & Body Paint.

وغيرها وغيرها

مصور عن بعض أعماله

- من هو مصباح الجمَّال Mood Maker ؟

مصباح الجمًّال بكل بساطة حب وعشق الفن من لما كان عمرو 5 سنين، أنسان اتعلق بعالم خاص فيه نسجه لانو ما كان حاسس انو هو بينتمي للعالم الطبيعي الحقيقي الي نحن عايشينوا. مع انو اسمي "مصباح الجمًّال" انا كنت اكرهو لهيدا الاسم كتير من انا وزغير كنت حسو تقيل عليي ، حبيتو بعد ما اشتغلت مع حدا من افراد العيلة المالكة ، قالتلي شي مرة حدا قلك انو اسمك إسم على مسمى مصباح للجمال انت "Light OF Beauty " من وقتها عشقت إسمي وأخدتو على محل تاني.

اما لما نقول مين هوي Mood Maker ثلاث ارباع الناس الي بحبوني مش رح قول متابعيني " Followers” " لانو هني الدعم تبعلوي ما كانوا يكتفوا يعيطولي مصباح الجمَّال كانوا يعيطولي انت الساحر انت المبدع انت ZEUS الابداع . في مرة وحدة من الناس الي كنت عم بشتغل معهم وهي مخرجة قالتلي :" مش طبيعي كيف انت يا إنسان كيف بتحول من ما شي لشي انت Mood Maker ومن وقتها.

قصة إسمي منها قصة زغيرة ولقب Mood Maker منها قصة زغيرة أجوا اكيد باذن من رب العباد وانا بؤمن ان كل شي مكتبلنا ما مناخود غير الي المكتوب النا وانا محظوظ كتير ان عطاني نعمة خليني أخدها واختارني اني اقدر اعمل كل ها الاشيا الي بحبا بحب. في إشيا بحياتي خلتني اتعلم شوف الاشيا الحلوة بس وامحي الحزن من عيون الناس الي انا بحبها كان هيدا هدفي من الأول.

- كيف إكتشفت ها الموهبة الي عندك الشاملة بعالم الألوان والموضة والشعر والميك الاب و الرسم لديك ومين شجعك على خوض عالم التجميل؟

انا اكتشفت إني بعشق الفن من لما كان عمري 5 سنين كان غرامي الأفكار الغريبة ،إخترع اشيا، إرسم إشيا ،اكتب قصص، حب أعمل ميك اب لماما، حب اعمل فساتين لالعاب اخواتي قص من البرادي واعملهم الفستان ،كان دائما عالمي عالم مابيشبه حدا انا بخلقه حتى بمخيلتي. كنت اعمل مسرح والفساتين وحتى لم كنت بالمدرسة حضر"Events " وكنت إرسم على وجوه التلاميذ وقضي وقتي مع الولاد الزغار تا نمي الفكرة الإبداعية تبعيتهم ،من وقتها عرفت هيدا الشي الي انا بدي اعمله الي بدي عيشه. ان ها الطاقة الي بملكها ما بدي اسمي يموت وما بدي امرق مرور الكرام بحياة الناس و هيدي منها شوفة حال بس قديش فيك تأثر و تترك بصمة حلوة بحياة العالم وهيدي هي القوة.

بس بدي قول شي، كان اول مرة بحياتي تسالني امي شو عابالك تعمل لما تكبر قلتلها وكان بعدو عمري 7 سنين بدي غير العالم بالجمال وبدي اشتغل المشاهير مع المسارح والفنانين و الملوك والامراء يطلبوني وربنا ما حرمني ها الأمنية وحققلي ياها خليني اشتغل مع اهم الملوك والامراء والناس واحلا واطيب ناس. والحمدلله محبة الناس هي لحالها سلاح ممكن اقوى فيه.

- شو تأثير المراة بحياة مصباح الفنان ؟

خليني كون صريح وصادق وشفاف ،أنا من الناس الي بؤمن بحقوق المراة بؤمن بقوتها وكينونتها والي بقول غير هيك بكون انسان كذاب ومريض ومنو متصالح مع نفسه.

لو رب العباد شاف ان سيدنا آدم قادر يكفي حياته بلا حواء ما بعتلو ياها ، ولو رب العباد شاف ان ستنا مريم ما تجيب سيدنا عيسى كمان ما عطاها نعمة الانجاب ، لان قوة الانجاب بمطلق عام هي قوة عطاها للمرأة مش للرجل لان لو بدو يعيشها الرجل ما كان قدرولا اتحمل.

لانو قيمة المراة وحقوقها خط احمر عندي وانا من مناصرينها ، بقولوا جوات كل "Artist" وكل مبدع في ولد موجوع وها الولد الموجوع هو بنقي يا بضيع يا اما بعليِّ وبيفرد جناحاتو وبطير فأنا قررت افرد جناجاتي وطير وحول الزع والوجع بحياتي لسعادة قدام الدنيا كلها وانا مؤمن بكل قدرات الايمان ان فاقد الشيء يعطيه بقوة لان بيعرف شو معناته. ما في انكر ان اتاثرت بستي "ام امي " و ستي "ام بيي" وحدة اخدت منها الانضباط والنظافة م وحدة اخدت منها حب الالون وبطبيعتي انا شخص بحب قضي وقتي مع الكبار بالعمر والزغار الي كنت اخود منهم الطاقة والقوة بطريقة نظيفة ما فيها دجل. ومن هون بلش مشوار الابداع ، فانا كل سيدة عندي اشتغلت معها ان كانت فنانة او ممثلة او انسانة عادية ، رفيقة ، صديقة اواي عمل فني إبداعي ان كان مسرحي او تليفزيون بشتغله بعملو بروح خاصة بتشبهو مابحب كرر حالي ابدا وإذا كررت حالي بمرة من المرات بحس حالي ان بلشت على أبواب الفشل .

– اذا بدنا نحكي عن طريقة خبرتك بعالم الميك اب شو هي أنواع فن الميك اب الي بتستخدمها؟

اذا بدي خبركم ونحكي عن طريقة خبرتي بعالم الميك اب وشو هني أنواع فن الميك آب الي بستخدمها بهيدا العالم ، في أنواع كتير انا اشتغلت فيها وخاصة مع دور أزياء وماركات عالمية وكتيرة معروفة ومهمة. كل ماركة منهم عطنني لمستها وسحرها وإشيا ما كان فينا ناخدها من دار أزياء وحدة ، بس الي بحب قلكم ياه وانا اكيد منه بلحق احساسي بشوف المراة وشوف مصادر قوتها حتى ابرزها وبهمني يقولوا هي طالعة حلوة مش الميكاج طالع حلوعليها .

- متى بدأت مسيرتك المهنية فعليا؟

بلشت إدرس ميك آب وشعر كنت بعدني مخلص ثانوية عامة وبلشت ادرس بالاكاديمية وحالفني الحظ ان درس فيها وكنت ازغر معلم تجميل بدرس بالعالم العربي وبعدين أخدوني امين سر نقابة المزينين وهيدا شرف لا الي ، رجعت درست بفرنسا ورجعت على لبنان وهيدي كان مسيرتي الرسمية الفعلية ب 9 /9 / 1999 فتحت صالوني الخاص وضليتني عم طورو. وبهيدا المشوار بلش اسمي يكبر ويسطع ورح كمل باذن لاوصل لمحل لي انا عبالي أوصل اله.

- خبرنا عن المهرجانات الدولية والحفلات التي شاركت فيها؟

شاركت بكتير حفلات ومهرجانات دولية وحتى شاركت بمسابقات عالمية طلعت 3 بالعالم من 5000 واحد مشارك بفرنسا وبالعالم العربي طلعت الأول بفئة مبدع "Master in Inspiration " وكمان شاركت بمهرجانان بافتتاح " CAVALI" و" FASHION TV" كانوا تحت شعار واحد اسمه "GLADIATOR" والتاني كان اسمه "THE SECRET GARDEN" هول اشتغلت فيهم طبعا بالمشاركة مع "TIGI Worldwide" وشركة "Elie &Jean" هني الي اختاروني كون" Art Director" تا اظهر ابداعاتي غير المنتظرة.

وفي البرامج الي انعرفت الي أنا عملتها مع الفنانين ان كانت ب TV Shows متل: Dancing with the STARS - Star Accademy – Mission Fashion - Miss Lebanon – Mr. Lebanon - هول كلهم كانوا شغف وطموح انا اعملو وغيرهم من الفنانين المعروفين من الصف الاول.

- هل إتاثرت اعمالك بالظروف الراهنة وشو كانت الخطة البديلة للاستمرار؟

خبرية كورونا COVID19 والانفجارالمؤسف الي صار بمرفأ بيروت تداعياته ما بتخفى على حدا صراحة بها الوقت ما كنت عم فكر لا بشغلي ولا بالاشيا المادية صحيح كلنا بحاجة للمادة وخصوصا ان الازمة الاقتصاديةالي عم منمر فيها منها عادية وبس توجهت للعمل الإنساني فا اشتركت مع اكتر من جمعية حاولت ساعد الناس والأولاد من خلال مجالي الفني وكانت عبر طريقة العلاج النفسي من خلال الفن و “Sand Tray” مع الدكتورة " رودنا نجم " “ Potentialist” الي الها فضل كتيركبير بحياتي لان خلتني شوف الحياة من منظار تاني وكمان زيد على هيدا الشي عن سر الطاقة “Strength Coaching” مع غيلدا شاغوري..دائما .

هلاء بيأسفني قول كيف قدرت سافر لان على قد ما بحب لبنان على قد مني زعلان..... زعلان عليه وزعلان منو كرمال هيك حاولت اعمل خطوة بديلة تركت البلد، مع اني بكره اترك البلد بس للأسف بكره احكي بالسياسة " ومستقبلي يكون واقف على زعما فاسدين بكفي أخدولنا شقى عمر سنين ، من شين هيك انتقلت على لاس فيغاس تا لاقي الفرصة البديلة تبعيتي لان حلمي يكون عندي Master Class الخاصة فيي , وفرجي تقنياتي الإبداعية ب Special Effects والفنون الإبداعية الأخرى . دائما كنت بلاقي حالي بهوليوود ولاس فيغاس و بهول المطارح الي فيهم انتاج كتير ضخم وعالي وفخم وبقدروا الانسان والفنان .

– مين من الفنانات الي بتحب تظهر ابداع اناملك والوانك على وجها؟

انا بدي قول شي كتير مهم أي زبونة وفية عندي هي الي بتعطيني من طاقتها وبتعطيها من طاقتي والي بتزيد عليي من جمالهم الروحي ، وبتبطل مجرد زبونة عندي هي مصدر الهام بالنسبة لا الي هول الناس هني النجمات الحقيقيات وبدي ذكر كل إمراة أن هي نجمة عالمها الخاص وانا برفض اتقيد بمقاييس الجمال المتبعة عالمياً انا ضد مقولة كوني جميلة وأصمتي . وما في احكي مين نجمتي المفضلة لان اشتغلت مع كتار بس في نجمات زادوا عليي قيمة فنية قيمة وفكرية من بيناتهم Amelia Zidane” “وطبعا من اكتر الفنانات الي بعشقهم بحياتي هيي Haifa Wehbe وعلى الصعيد العالمي كنت بحب كون بزمن Marilyn Monroe واذا بزمنا الحالي Madona و Jennifer Lopez.

–هل خطرلك شي يوم انك تعمل مدرسة او معهد للجمال بيوتي؟

هيدا حلم الطفولة... وبصراحة ها السنة رغم كل النشاطات الي عملتها وزعلي من البلد وعلى البلد كنت حضرت منتج ميك آب خاص لا الي انعمل خصيصاً ل Haifa Wehbe بعيد ميلادها " Limited Edition" و كنت بلشت محضر مقابيله منتج خاص لا الي بس للأسف جمدت المشروع حالياً بسبب الظروف الي صارت والوضع المالي والبنوك. وانا سبق وعلمت ب3 شركات معروفين " EG / TIGI International Make Up For Ever و Kryolan " وما في احلا من رسالة التعليم فا كيف اذا كانت مدموجة بالفن.

- شو اخر نشاطاتك واعمالك؟

الظروف الي عم منمرق فيها جبرتني أنتقل للخارج وأسس شغل جديد ورح إفتح شركة جديدة على صعيد العالم مع اشخاص الهم اسم معروف بالمجتمع والوسط الفني بعلن عنها بوقتها بطابع وأفكار جديدة ومميزة متل ما عودتكم.

- كلمة أخيرة بتحب توجهها؟

فينا نقول آخر كلمة هي آخ ... آخ على بلدي الي ربيت فيه بالحرب من أنا وزغير آخ واتعلمت أن اقلب وجعي لطاقة إيجابية... آخ... على بلد قديش أنا بحبه قديش في إشيا حلوة، قدي كسر فينا إشيا ، بس بتشكرو لان قوى فينا إشيا تانية وخلينا نبدع ، وأنا ما فيي قول رغم كل الاحزان والحروب الي عشنيها يمكن كنت عم بتمرد وأعمل متل طير الفينيق جواتي لحتى أعطي طاقات أكبروأكبر وفرجي أن لبنان موجود وداخل كل لبناني . وبدي قول لكل واحد بعرف ان جرح بلدنا كتير قوي وكتير كبي بس ما نفقد املنا بحالنا قبل ما فقد أملنا ببلدنا ،أنا اضطريت سافرلان عندي مسؤوليات ومستقبل ما فيي وقفو. ما بعرف شو بدي قول بس رسالتي الوحيدة هي ان الجمال والفن بالتحديد هني لغة كل الشعوب ولغة كل العالم وأوقات كتير بتمنى يا ريت كل العالم بيعموا للحظة وما يشوفوا غيرأرواح بعضهم تا يشوفوا كمية الجمال الي جواتهم ، بدي ضيف أن الله جميل يحب الجمال وبتمنى أن من كل العالم ويشوفوا غيرهم بعين حلوة و يطلعوا الكلمة المنيحة ويتركوا القيبحة والكلمة الي بدها تجرح بلاها مش بحاجة الها بها الزمن المليان اوجاع.

ومنشوفكم على خير وتضلوا مصدر قوة وطاقة وحب والهام وابداع لا الي . شوفكم على جمال وبشكر مجلة “ Opine Digest” وبالأخص أنديرا الزهيري.

مقابلة خاصة مع المبدع اللبناني العالمي مصباح الجمَّال - Mood Maker