يا شعر ضلك صاحبي...!!

الشاعر الشاب مكرم شاهين - 7 -3 -2022

يا شعر ضلّك صاحبي وخِلّي
وبالعقل غيرك ما رح خلّي
بسقيك من نبع الفكر دمعات
ولا تظنّ رح اسقيك من خَلّي
بحب القصيدة ورود جوريات
ومنها بيغارو زنبقة وفلّي
ولولا يا وردة بين هالوردات
ذبلتي الورد كلّو رح يدلّي
بحبّ القصيدة حروف عذريات
ع سطرّ بالعفّة شو متجلّي
وكل مَ بصوتي قامت الصلوات
لحروف فوق السطر بتصلّي
بحب القصيدة بحُبّ لبنيّات
ومين ال ما بحب الصِبا قلّي
وبرسم صباكي عَ نقى الصفحات
تَ بعد فوق الحِسن تتحلّي
بحبك لحن ما بتعزفو الريشات
بحبك فقر بالفقر متغلّي
ومن قبل متفلّي…عَ لمرايات
لحظة وقفي واتبسميلي شوي
ومن بعد منّا بتقدري تفلّي